‘Atúyi’i Tú’uyu’et - Icey’s Dream(Southern California, Cupeño)

‍

‍

Synopsis: On a stormy day at the beach, a young girl named Icey dreams of a lifeless ocean, depleted by human neglect. Awakening with renewed hope, she realizes there’s still time to heal the seas, inspiring a commitment to protect our planet.

‘Emáy, témpeyaxwe, wéweqa, mém’aw pá’aw peháyve.Náwily me pené’em tesíwwe mém’aw. ‘Atúyi’i petéw’a, pe’ hálqa pá’aw peháyve, tewqá qíchily ‘akúkuşhi. Pé’ kwívyaqa temát’aw, awísma náaxchinyaqa pekwáani, tewqá mémtu’ichi. Púpush témiqa, weqsáqa sevélnga xéeyaxweneti.

‍

‍

‘Atúyi’i neşhúungax wéwyaqa ‘temáli pe’áshmi péchi, té’aw mémtu’ichi. Petá’ama chéxyaqa, petewqá mém’aw temát’aw ‘áşha’avichi, qáy hish, kík’iswe. Qáy hísh qusáwe, támikawish pavepáve’ish, qáy háx temáli pe’áshmi qáy qá. Qáy hísh pepinéliqa men temáli pe’áshmi kúkuşhi qá. Mémet qáy qusá’ish, ‘Atúyi’i peşhúun ‘elélichuqa. Mémet témal ‘ixanpen, qíchily pílyevyaxish şhayeşháye’ash péchi. Háxmi’i ngéppen temáli ‘áşha’ava’achi, mémeti savál, kawíchi, pílyevyaxichi. Peyú’xavish náng’awqa héwlya’aw mét’ichi, pá’aw.

‘Í’im héwlya’ash mét’ish ngépinwe ‘ikát, té’aw temál’aw me ‘ámuwe qeyúlimi métichami ‘Áyilyim, qeyúlim, pátingalim, petá’anim chákwinwe, petá’anim pemíyaxwe chíxcham.

Míxenuk péxenuk ‘Atúyi’i híwchuqa ‘ivíy peháyve qeyúlimi. ‘Í’i’ tewqá, súpleweti qeyúweti texetéxe’ichi wáyaqa chúqemyaxichi. Qeyúlim ‘á’ay’anish, kwíkti’icham chákwinwe ‘íkla’aw, nánxachimi pekwáani, méeeeeti’ichi xúchilyi wíchu’eti me ‘íkla’achi.

‍

Pál silynyínyaqa, plastic, ‘atáxmi pemwíchaxay, me pemwíchilyi, petá’ama’aw.

Atáxam chéxinwe qusá’ichi mémngax.

‘Í’i’ túvyung petáxwi, “Míxenuk şhe kápelpen pemíxapi?

Míkcham ‘apút tewáşh, petá’amay chemtewásh.”

Míxenuk chémem şhesh nánvaxinwe pú’muchika chemtewápi, púlinchami pemkwáani? Híngax chémem qáy tavxáawe temáli me mémeti pémenew. ‘Á’chiwetim múlu’wetim, wíchiw sétaxwenet ‘áchi, ‘á’alxiwe temáli pe’áshmi métichami. ‘Emáy, péexwen pi’múkichimi mémeti qá. Mémet yamísh, kík’iswe, qáy şhé’we pe’ís’a kawíchi pé’áw’ay wí’ayinwe tukuchíyka támit, qeyúl kíktam kik’íswe.

‘Iyáxwen ‘emáy, ‘Atúyi’i cháypeyaqa mémngax.

‘Í’i’ tewqá túkva’ash me tématika. Petá’anim nélinwe chíxwe, kwítaxish silyínyaqa me húshvihushvi’ish. Pe’áchim, yámish, me ‘atáxam tewqá chixwe.

“Í’im’ep péta petá’anim qusá’icham mipe’icháaywin, mémnga chúl texetéxe’ichi.

‘Í’im qáy míyaxwe. Hísh chémem şhesh míxanwentim? Chémesh péyexchu ‘ahúyaxay. Nená’aqwanim!”

Písh’emáy, setíqa ‘Atúyi’i peşhá’i’aw me chínga petáxwiy cháweliqa. ‘Í’im xúwiqa téyka pánga me qáy míyaxwe qusá’qa. ‘Atúyi’i hélyeqyaqa, yéyeknily.

“Néye kwáti’! Néye kwati’!” Písh’emáy, ‘Atúyi’i kwátiqa, me tewqá pená’aqwa náshqa peşha’i’aw. “É’e şhe’ep ‘icháam, néye?”, pená’aqwa túvyungqa.

‍

‍

‘Atúyi’i néliqa petá’ama’aw, ‘í’i’ tewqá petá’anmi pá’aw peháyve’aw tesíwwe. ‘Í’i’ ményaqa temátika me néliqa hemlehémle’achi xwáwxvi’ichi me yamíchi xwáwxvi’ichi. ‘Atúyi’i péyaqa, Qáy né híwchuqa? Né’ep netú’uyu.” ‘Í’i’ep petá’ama ‘apút tú’uyu’et, ‘ivíy qáy péyexchu’ep.

‘Í’ipe’ temál chéyax ‘ichá’i’yka me kwélyax. Meşhepe mámayuqal. Kwéliqa míyaxwe, mémet - che’múlu’wetim, nénepe kwáavichu mémet. Tú’uyu’et píyama qá, mémet - chemşhúun ngéngyaqa chemtemáki’ay. Chémchepe kwáavichu chemtemáki’ay.

Qáy pekwáani hísh, men háx pekwáani.

‍

‍